Patrimonio

Arquivo do Reino de Galicia. Colección cartográfica e iconográfica. [Mapa da] Provincia de Orense. [S.XIX]. Detalle. Sign.: MB 175
Data de publicación: 17-11-2020 Data de fin: 31-03-2021

 #Díadopatrimonio

 

Publicamos a exposición "Mulleres e patrimonio documental. O caso de Concepción Miranda".

 

Aproximámonos ao concepto de patrimonio documental (un patrimonio que nón só é historia senón que nos serve tamén para construíla) a través do proceso á condesa viúva de Torre Penela, que foi destituída e logo restituída da administración dos seus bens e da tutela dos seus fillos a comezos do século XIX.  Coñeceremos a súa historia e  trataremos de saber algo máis da Historia. Eran normais ese tipo de actuacións naquela época? Favoreceuna ou prexudicouna a súa condición de muller?  Descubriremos que non existen respostas sinxelas para estas e outras moitas preguntas. É preciso investigar, e facelo nos arquivos para poder relacionar e poñer en contexto uns documentos con outros. É unha tarefa que corresponde ás persoas que investigan a historia, pero parece claro que desde os arquivos podemos facilitar esa tarefa.