San Cibrao

Arquivo do Reino de Galicia. Real Audiencia de Galicia. Plano do límite entre as antigas xurisdicións de Allariz e Vilariño do Campo (Ourense). S. XVIII. Sign.: 2163-23
Data de publicación: 02-12-2020 Data de fin: 31-03-2020

 

 Este plano non forma parte do documento ao que está unido, unha executoria (un expediente para cumprir a sentenza dada nun preito) do ano 1736 procedente do fondo documental da Real Audiencia de Galicia.

Máis ben parece que é un fragmento dun plano maior  usado  como capa ou encadernación dun caderniño do expediente xudicial, dado que non parece ter ningunha relación co asunto nin cos lugares que se mencionan neste.

Como se observa, o plano describe o límite das antigas xurisdicións de Allariz e Vilariño do Campo, na actual provincia de Ourense, mentres que o preito refírese a bens situados en San Xián de Artes, en Ribeira (A Coruña). Polo demais, é moi posible que o lugar que se describe no deseño se corresponda co chamado "Mirador de San Cibrao", no actual concello da Bola (Ourense).