Actualidade

Dias das Letras Galegas

 

    Escritura de venda de Diego de Verdeal a Juan García de Zarague e á súa muller Isabel Rodríguez, de un moio de viño tinto en cada ano de renda, por prezo de 40 reais de prata, outorgada ante o escribán Juan Fernández Agulla na vila de Pontevedra o 22 de xaneiro de 1510.

    Copia sen data do escribán Afonso García do Sisto.

    Colección de documentos en pergamiño.

    PL.1, c.1, C4 -5-. Pergameo. 260 x 205 mm -falta o inicio da escritura-.

Publicar no Facebook
Compartir no Twitter
Agregar a Delicious
Compartir no LinkedIn

Unha muller na orixe do actual Hospital Provincial de Pontevedra. 8 de marzo, Día Internacional da Muller

Testamento de Teresa Pérez Fiota, outorgado na vila de Pontevedra o 15 de xuño de 1439, polo que funda un hospital na dita vila, antecedente remoto do Hospital Provincial de Pontevedra. Nun principio, denominouse Corpo de Deus e, máis tarde, pasou a chamarse Hospital de Corpus Christi. A  institución foi levada polos Irmáns de San Xoan de Deus ata o século XIX, momento no que pasa a depender da Xunta de Beneficiencia e a cualificarse como municipal.

É a orixe do actual Hospital Provincial,sito na rúa Loureiro Crespo.

O testamento, custodiado no Arquivo Histórico Provincial de Pontevedra é una copia que está inserta na executoria do séculos XVII do propio testamento. Ingresou no Arquivo o 30 de abril de 1942, xunto con outra documentación, procedente do fondo Hospital Provincial.

(Fondo: Hospital de San Xoán de Deus de Pontevedra, C. 2150)

Publicar no Facebook
Compartir no Twitter
Agregar a Delicious
Compartir no LinkedIn

9 de xuño de 2017. Día Internacional dos Arquivos

Como cada ano o Arquivo Histórico Provincial de Pontevedra súmase á celebración do Día Internacional dos Arquivos, este ano baixo o tema da Conferencia ICA/ALA 2017, “Arquivos, Cidadanía e Interculturalismo”.

A seguir indicamos a programación:

Día 8 de xuño, ás 12,00h, xornada de portas abertas, con visita guiada ás instalacións do arquivo. e á exposición: "A casa dos Fonseca", na Sala dos Masóns.(Lembremos que esta casa, de 1910, que alberga actualmente o arquivo).
 

Día 9 de xuño ás 12,00h,xornada de portas abertas, con visita guiada ás instalacións do arquivo e á exposición "A casa dos Fonseca", na Sala dos Masóns.

Día 9 de xuño, ás 19,00h, conferencia a cargo do xornalista e investigador  Alfonso Daniel Fernández Pousada titulada "A Casona dos Fonseca: O oráculo histórico na Pontevedra novecentista".
 

Día 9 de xuño, ás 20,00h, velada musical realizada polo cantautor, autodidacta e poeta Joaquín Palacios.

Todas as actividades están dirixidas ao público en xeral. Non é precisa a inscrición previa. A entrada é libre asta completar o aforo.

 

 

Publicar no Facebook
Compartir no Twitter
Agregar a Delicious
Compartir no LinkedIn