Bases de Datos
ARPAD
Actualidade
PESCUDA NO ARQUIVO: A VIDA NA GALICIA DO XVIII. 04 AS CASAS. 01 COMPLETA A TRANSCRICIÓN
Despois do descanso estival imos volver ás nosas actividades de investigación da vida en Galicia no século XVIII, por medio das fontes primarias que nos ofrece o arquivo. Concretamente, imos indagar sobre como eran as casas naquel tempo.
Beneficios
No Antigo Réxime (antes de 1834, aproximadamente), as parroquias mantíñanse coas rendas e produtos da terra dos seus igrexarios e de parte dos dezmos que percibían dos fregreses. Durante a Idade Media, moitos nobres usurparon ou conseguiron por diversas vías acceso a esas rendas, así como o dereito de presentar as persoas, cregos ou non, que podían ser titulares da parroquia. Así que estas institucións funcionaban tanto como entidades para o goberno espiritual dos fieis coma verdadeiras unidades económicas. Neste senso enténdese que se denominasen tamén “beneficios” e que fosen obxecto de desexo para cregos e laicos, de maneira que as súas rendas dividíronse co paso dos séculos, en moitos casos, ata extremos inconcebibles.
Angola
“Presidencia de Angola” é un dos debuxos que forman parte do material, gráfico e textual (manuscritos), requisado ao xornalista Antonio Benito Fandiño, preso no cárcere público de Santiago por motivos políticos (era liberal e Fernando VII acababa de restaurar o réxime absolutista coa axuda dos "Cen mil fillos de San Luis" ), en 1825.
Antonio Gil Merino, que era director deste Arquivo no ano 1982, reconstrúe nun artigo publicado na Voz de Galicia con motivo do centenario dese periódico, o proceso aberto a Fandiño polo alcalde primeiro de Santiago, apelado logo á Real Audiencia de Galicia, trala denuncia do alcaide do cárcere e da súa muller por tratárelos de ladróns.
