Bases de Datos
ARPAD
Actualidade
Xornada de formación “Modelo conceptual de descrición arquivística e sistemas de descrición multi-entidade"
Dende hoxe, día 23 de maio, está aberta a matrícula para a Xornada de formación “Modelo conceptual de descrición arquivística e sistemas de descrición multi-entidade" convocada pola Subdirección Xeral de Arquivos, que se impartirá o día 30 de maio no Arquivo de Galicia, Cidade da Cultura de Santiago de Compostela, na sala 1 do edificio da Biblioteca e do Arquivo de Galicia, en horario de mañá e tarde.
O enlace para acceder ao espazo de matrícula é http://www.cidadedacultura.gal/gl/evento/modelo-conceptual-de-descricion-arquivistica-e-sistemas-de-descricion-multi-entidade
Hai 25 prazas dispoñibles e cinco máis de reserva. Se algún dos matriculados non pode asistir, pode avisar no número de teléfono 881 999 665
Exposición "Santiago. Protección e transformación da cidade" no Arquivo de Galicia.
Dende o venres 11 de maio ás 12:30 horas, data da inauguración, ata o 26 de xuño permanecerá aberta no Arquivo de Galicia a exposición "Santiago. Protección e transformación da cidade" no edificio da Biblioteca e Arquivo de Galicia, en Santiago de Compostela (Gaiás-Cidade da Cultura de Galicia).
Inscríbese dentro das actividades organizadas pola Consellería de Cultura, Educación e Ordenación Universitaria baixo o lema Somos patrimonio para contribuír á celebración do Ano Europeo do Patrimonio Cultural, tras a súa declaración polo Parlamento Europeo e o Consello da Unión Europea.
Patrimonio
Que relación existe entre o Castro de Elviña e a Colexita de San Xoán de Portomarín? É doado sabelo: ambos os dous monumentos son bens de interese cultural, anotados como tales no rexistro correspondente e obxecto da máxima protección legal en materia patrimonial. O primeiro foi declarado por Decreto 1758/1962, do 5 de xullo (BOE núm. 173 do 20 de xullo). O segundo, por Decreto do 3 de xuño de 1931 (Gaceta núm. 155 do 4 de xuño).
