Bases de Datos
ARPAD
Actualidade
Unha muller na orixe do actual Hospital Provincial de Pontevedra. 8 de marzo, Día Internacional da Muller
Testamento de Teresa Pérez Fiota, outorgado na vila de Pontevedra o 15 de xuño de 1439, polo que funda un hospital na dita vila, antecedente remoto do Hospital Provincial de Pontevedra. Nun principio, denominouse Corpo de Deus e, máis tarde, pasou a chamarse Hospital de Corpus Christi. A institución foi levada polos Irmáns de San Xoan de Deus ata o século XIX, momento no que pasa a depender da Xunta de Beneficiencia e a cualificarse como municipal.
É a orixe do actual Hospital Provincial,sito na rúa Loureiro Crespo.
O testamento, custodiado no Arquivo Histórico Provincial de Pontevedra é una copia que está inserta na executoria do séculos XVII do propio testamento. Ingresou no Arquivo o 30 de abril de 1942, xunto con outra documentación, procedente do fondo Hospital Provincial.
(Fondo: Hospital de San Xoán de Deus de Pontevedra, C. 2150)
Con motivo da celebración do Día Internacional da Muller, un ano máis o Arquivo de Galicia seleccionou entre os seus fondos unha mostra de trinta documentos que, baixo o título Música en feminino, se centra na muller e a música, dende o ámbito cotidiano ata a súa participación como profesional (docente, intérprete, compositora)
Agostiños e xesuítas
O 7 de xullo de 1774 asínase en Madrid unha Real Provisión do Consello de Castela pola que se concede á comunidade de relixiosos agostiños calzados do convento da vila de Caión o edificio, material, colexio e igrexa dos extinguidos xesuítas na cidade da Coruña, coas súas rendas correspondentes, para que se trasladen a el.
