A fonte do Pazo de Lestrove

fonte de lestrove

A fonte do Pazo de Lestrove

Autoría
Sen datos
Situado no concello de Dodro, o Pazo de Lestrove foi construído polo arcebispado compostelán no século XVI, mais sucesivas reformas levadas a cabo no século XVIII fan que se adscriba ao estilo barroco. Presenta planta en forma de U cunha fachada principal completamente simétrica e cunha porta central e ocos con molduras barrocas.
Na remodelación edificouse unha nova capela comunicada interiormente co pazo e, diante dela, unha fonte coroada coa figura de Santiago peregrino. Con oito canos que repartían o caudal, esta fermosa fonte estaba obrigada a darlle servizo diario aos veciños e, entorno a ela, celébrase cada ano a popular festa dos Aflixidos no mes de agosto.
Hoxe presentamos esta fotografía de Chamoso Lamas dun dos máis belos exemplos da chamada arquitectura da auga do rural galego, feita en 1960 nun momento no que tanto o pazo como a fonte estaban nun estado de abandono.
Arquivo de Galicia (Santiago de Compostela). Arquivo Fotográfico de Manuel Chamoso Lamas. G73325-29.
ISBN
Sen datos
Depósito legal
Sen datos
Prezo
Sen datos
Ano de publicación
2022
Editorial
Sen datos
Data de creación
22-02-2022