Aínda que os de Carril son os máis coñecidos, existiron viveiros ao longo de todo o litoral da Ría de Arousa. No lugar de Fefiñáns, concello de Cambados, funcionou un destes viveiros chamado do “Francés” pois o areal, ao quedar completamente seco coa baixada da marea, era ideal para o cultivo do mexillón e, debaixo deste, da ameixa. Pouco máis sabemos da historia deste viveiro que tivo o seu período de esplendor durante os anos vinte do pasado século para ser abandonado nos anos setenta, e cuxos restos das parcelas, a piques de desaparecer, aparecen recollidos no apartado de “mundo do mar” do inventario do patrimonio etnográfico de Galicia.
Arquivo de Galicia (Santiago de Compostela). Xunta de Galicia. Cultura. G85005-43.