FRONDA nº 31. Heráldica e certificacións de armas
A partir desta certificación de armas, neste número de Fronda realízase un percorrido por algunhas das representacións heráldicas que poden atoparse nos documentos de arquivo, e dedícanse unhas liñas á xénese e desenvolvemento da Heráldica. As representacións heráldicas acadan especial vistosidade nos documentos da nobreza, un grupo social que durante a Idade Moderna se apropiou do uso deste código simbólico para convertelo nun dos signos externos que, reflectindo os seus ideais cabaleirescos, os diferenciaba dos non privivilexiados. Por iso, nos arquivos da fidalguía o escudo familiar adoita aparecer en documentos como executorias de fidalguía, libros tombos, xenealoxías, etc., xunto aos propiamente heráldicos como as certificacións de armas.