Nº 45. Os arquivos das institucións penitenciarias (II): o fondo da Prisión Provincial de Ourense
Durante a maior parte dos séculos XIX e XIX as prisións provinciais tiveron como finalidade custodiar os presos preventivos en tanto non se tramitaba o sumario e se emitía sentenza. Tamén fixeron as veces de prisión de partido no termo do partido xudicial da localidade na que se situaban e, ademais, tiñan función de prisión correccional para o cumprimento de penas de arresto maior.
O fondo da Prisión Provincial, que inclúe tamén a documentación procedente das prisións de partido, contén un inmenso caudal informativo que permite acometer moi variados temas de estudo dende innumerables perspectivas. Entre eles, seguramente sexa a análise da poboación reclusa a que ofreza maior diversidade puntos de vista que poden ir enfocarse dende a criminoloxía, a socioloxía, a antropoloxía ou a historia, entre outros.
1940, decembro, 31. Ourense "Relación de las obras leidas en «Lectura en común» desde el día 27 de abril hasta la terminación del presenta año" Orixinal; escritura humanística; castelán; 202 x 276 mm. AHPOu. Prisión Provincial de Ourense, C. 12917.