Pescuda no arquivo: a vida na Galicia do XVIII. 08. A diversión. 01. Completa a transcrición

Achegamos unha nova entrega sobre a vida en Galicia no século XVIII; esta vez imos ver como se divertían as xentes daquel momento. Para ilustrar o tema contamos cunha causa da Alcaldía Maior de Ferrol e da Graña sobre xogo de naipes, de 1798.

A primeira actividade que vos propoñemos, como ven sendo habitual, é completar a transcrición, enchendo os ocos, do devandito documento. Podedes achegarnos as vosas respostas a través do enderezo electrónico (arq.reino.galicia@xunta.gal) ou a través do Facebook do arquivo.

O venres 27 de maio publicaremos as solucións da transcrición e a seguinte proba.