Antonio Pérez

O mes pasado subimos a Galiciana 198 fotografías de Antonio Pérez.

 

Descoñécense os datos biográficos deste fotógrafo coruñés e sabemos que nalgunhas fotografías firma como PÉREZ AFDO.

 

Esta colección fotográfica ingresou por compra no ano 2002 á Casa Encuadernaciones Ex-Libris, S. L., xunto con outro conxunto de fotografías estereoscópicas e autocromos.

 

Predominan as imaxes de persoas, individualmente ou en grupo.

 

Entre os retratos parecen dominar as imaxes de obreiros e artesáns representados de plano medio sen fondo, pero tamén hai outras do propio fotógrafo e a súa familia.