20 Nov 2012
La tarea de descripción de los expedientes de hacienda que se está realizando en el Archivo Histórico Provincial de Pontevedra facilita la gran demanda de información que solicitan diariamente sus usuarios
Por mor da entrada de documentación de Facenda relativamente recente a este arquivo, na súa función de arquivo intermedio, a información que ela ofrece está sendo, tamén moi demandada polos cidadáns, que buscan probar o cumprimento das súas obrigas, a existencia de realidades pasadas que lles afectan hoxe en día e, en definitiva, defender os seus dereitos. Isto é o que fai que, dende hai tempo, o equipo técnico deste arquivo dedique parte das súas xornadas de traballo a describir os Expedientes de comprobación de valores xerados polas delegacións do ministerio de Facenda en Pontevedra e Vigo, as delegacións das consellerías de Facenda de Pontevedra e Vigo e as distintas oficinas liquidadoras que xestionan os impostos de sucesións, doazóns, transmisións e actos xurídicos documentados desde a súa transferencia á Comunidade Autónoma de Galicia. Os Expedientes de comprobación de valores que se custodian neste arquivo datan de finais do século XIX e chegan ata os anos 90 do século XX, e ofrecen unha importante información sobre lindes, superficies, propiedades, cargas, dereitose, aínda, datos xenealóxicos que vai máis aló da constatación do cumprimento da obriga de pago. O valor adminsitrativo da documentación deixa paso ao seu valor informativo. A descrición de cada expediente mediante a ferramenta informática Albalá permite a súa rápida recuperación a través das buscas do/s nome/s do/s seu/s causante/s, apelidos, números de expediente, etc. Isto fai que o servizo ao cidadán se axilice e mellore a calidade da súa atención.