3.1. Historia da institución que custodia os fondos do arquivo
Dispóñense estes fondos na propia casa do Concello, unha edificación á que se trasladaron as dependencias e servizos municipais no ano 2001, entre elas o arquivo municipal, antes disposto no baixo cuberta da antiga sede municipal.
O primeiro proceso organizativo levouse a cabo no ano 1989, acometéndose dende entón sucesivas actuacións de reincorporación, informatización e adaptación ó novo cadro de clasificación usado na actualidade para estes procesos, incluíndo a mellora e traslado do local en dúas ocasións, nos anos 1992, 1994, 2001, 2005, 2008, 2010, 2011, 2013 e 2016.
3.2. Contexto cultural e xeográfico
Sítúase na zona central da provincia de Pontevedra. Ocupa unha superficie de 38 km2 cun total de 29 entidades de poboación dispersas en oito parroquias. A actual área xeográfica do concello formou parte da provincia de Tui ata a división constitucional e a reforma posterior que derivou na súa inclusión definitiva na provincia de Pontevedra. As súas parroquias dependían das xurisdiccións de Redondela, con señorío do arcebispo de Santiago, e da de Soutomaior, no caso da parroquia de Pazos, con señorío do duque de Soutomaior. Xa no proceso de establecemento constitucional dos concellos, este territorio, integrado no Partido Xudicial de Redondela, constitúese como concello no ano 1836 coa mesma configuración espacial que hoxe aínda ten. O número de parroquias incrementarase coa creación de A Ermida segregada da de Santa María de Pazos.
3.3. Atribucións/fontes legais
Lei 7/1985, do 2 de abril, reguladora das bases do réxime local .
Lei 7/2014, do 26 de setembro, de arquivos e documentos de Galicia.
Lei 5/2016, do 4 de maio, do patrimonio cultural de Galicia.
3.4. Estructura administrativa
Concello de Pazos de Borbén. Secretaría Arquivo Municipal.
3.5. Xestión de documentos e política de ingresos
Por transferencia directa ao arquivo no remate da súa tramitación administrativa e coincidindo co seu escaso uso administrativo.
3.6. Edificio
Arquivo integrado no edificio do Concello.
O arquivo sitúase na planta baixa do edificio do Concello, nun espazo de 58 m2, conectado con outro espazo da planta superior. Anexo ao arquivo hai un espazo destinado ao almacenamento de publicacións, boletíns, impresos e outros materiais.
O local conta con todas as condicións de habitabilidade, control ambiental e co equipamento necesario.
3.7. Fondos e outras coleccións custodiadas
Fondo do Concello: https://arquivos.depo.gal/web/patrimonio/atom-fondo?idObjeto=3911003
Fondo do Xulgado de Paz: https://arquivos.depo.gal/web/patrimonio/atom-fondo?idObjeto=782146
3.8. Instrumentos de descrición, guías e publicacións
Cadro de clasificación do fondo do Concello: https://arquivos.depo.gal/documents/885401/885800/CC_AM_38_PAZOS+DE+BORB%C3%89N_20160909.pdf/887d699c-bee4-4c31-907e-6a0dd77df0c9
Cadro de clasificación do fondo do Xulgado de Paz: https://arquivos.depo.gal/documents/885401/885793/CC_AXP_32_PAZOS+DE+BORB%C3%89N_20160913.pdf/4faaaf1c-4551-4da1-bb6c-f0b08c653c27
Inventario: https://arquivos.depo.gal/web/patrimonio/catalogo/-/publicaciones/348
http://censoarchivos.mcu.es/CensoGuia/archivodetail.htm?id=10904
