Sistema de Arquivos de Galicia

O Sistema de arquivos de Galicia

Que é o Sistema de Arquivos de Galicia?

O Sistema de Arquivos de Galicia é o conxunto de órganos, arquivos, centros e sistemas relacionados entre si por órganos de dirección e coordinación.

Finalidade

A finalidade do Sistema de Arquivos de Galicia é servir á xestión administrativa, garantir o dereito á cidadanía a acceder aos arquivos e protexer, conservar e difundir o patrimonio documental de Galicia.
Réxese por tres principios:

A coordinación e colaboración entre as distintas administracións públicas
A autonomía de cada unha delas para organizarse
A concorrencia de todas na consecución dos obxectivos xerais de eficacia, transparencia e acceso á cultura e a conservación do patrimonio documental

Os arquivos: Administración e Cultura

Os arquivos son ADMINISTRACIÓN e son CULTURA; poderíase dicir que representan a cultura da Administración porque constitúen o precipitado material das normas, dos procedementos, dos actos e da forma de traballar das organizacións públicas e privadas. Pero, nun sentido máis amplo, son cultura porque conforman algo tan transcendente como o patrimonio documental dun país.

O patrimonio documental é unha parte fundamental da memoria colectiva da sociedade. Os documentos que o integran ofrecen información, coñecemento, ciencia, garantía de dereitos cidadáns, transparencia, historia, arte... Por iso, debemos velar pola súa conservación e garantir o acceso de todos a el, desde o cidadán e o funcionario ata o xornalista e o investigador.

Sistema de Arquivos de Galicia

Estrutura

A lei 7/2014, do 26 de setembro, de arquivos e documentos de Galicia, define a estrutura do Sistema de Arquivos de Galicia, que está integrada por:

A consellería

Competente en materia de arquivos e patrimonio documental, como órgano administrativo de dirección, coordinación e cooperación.

Os órganos colexiados asesores:

Os arquivos públicos e privados correspondentes a:

Os arquivos da Xunta de Galicia e das súas entidades públicas instrumentais
Os arquivos das entidades locais de Galicia e das entidades públicas instrumentais dependentes
Os arquivos públicos que custodien documentos de titularidade pública

Parlamento de Galicia

Consello de Contas de Galicia

Valedor do Pobo

Consello da Cultura Galega

Os arquivos das Universidades públicas radicadas en Galicia e os dos centros e estruturas delas dependentes
Os arquivos das notarías e rexistros públicos radicados en Galicia.
O Arquivo do Tribunal Superior de Xustiza de Galicia e a rede de arquivos xudiciais
Os arquivos doutras institucións e entidades públicas de carácter estatal ou internacional radicados en Galicia que se integren de acordo co establecido na Lei de arquivos
Os arquivos privados que se integren de acordo co establecido na Lei de arquivos

Arquivos de GaliciaAccede á información de cada un dos arquivos pertencentes ó Sistema de Arquivos de GaliciaIr aos arquivos

Sistema de Arquivos de Galicia

Como integrarse no Sistema de Arquivos de Galicia

Requisitos da integración

Todos os arquivos do Sistema de Arquivos de Galicia deben cumprir os requisitos técnicos que se establezan nun regulamento, e, en especial:

Aplicar un sistema de xestión documental que garanta a autenticidade, fiabilidade, dispoñibilidade e integridade dos documentos.
Aplicar a todos os documentos a normativa de valoración que rexerá para a súa conservación, en razón do seu valor xurídico e histórico, ou ben a súa eliminación.
Dispor de persoal suficiente e cualificado desde o punto de vista técnico e profesional. Dispoñer das infraestruturas e orzamentos necesarios para garantir a conservación dos fondos documentais e o seu acceso público.
Dispor dun horario de apertura ao público non inferior a vinte horas semanais.

Acceso á solicitude de integración no Sistema de Arquivos de Galicia

Beneficios da integración

Acceso a programas de apoio técnico e económico e ás medidas de fomento da Xunta de Galicia, en función das dispoñibilidades orzamentarias.
Acceder aos servizos de conservación, reprodución, informatización e outros que se poidan establecer dentro dos plans e programas da Xunta de Galicia

Sistema de Arquivos de Galicia

Normativa

Normativa que regula o Sistema de Arquivos de Galicia.

Descargas

Lei 7/2014, do 26 de setembro, de arquivos e documentos de Galicia

Decreto 15/2016, do 14 de xaneiro, polo que se regula a composición do Consello de Avaliación Documental de Galicia

Decreto 25/2016, do 3 de marzo, polo que se regula a composición e o funcionamento do Consello Arquivos de Galicia

Sistema de Arquivos de Galicia

O Servizo do Sistema de Arquivos

É a unidade administrativa da Consellería de Cultura, Educación e Universidade, dependente da Subdirección Xeral de Arquivos e Museos que coordina as actuacións en materia de arquivos na Comunidade Autónoma de Galicia.

Ten como funcións

Coordinación e dirección técnica do sistema galego de arquivos e dos subsistemas e redes que o integran, así como a inspección dos arquivos e o seu patrimonio documental.
Xestión dos arquivos de titularidade autonómica, adscritos a esta Consellería os de titularidade estatal de xestión transferida a Comunidade Autónoma de Galicia
Actualización e control do Censo-guía de arquivos
Inventario do patrimonio documental custodiado nos arquivos galegos, así como o control dos movementos , restauracións e reproducións do patrimonio documental custodiado neles
Apoio e asesoramento técnico nas materias de patrimonio documental de arquivos
Programación, coordinación e xestión das actuacións en materia de incremento, conservación, organización, descrición e difusión do patrimonio custodiado nos arquivos galegos
Taxación de bens culturais de carácter documental con fins administrativos