3.1. Historia da institución que custodia os fondos do arquivo
A Universidade da Coruña foi creada pola Lei 11/1989 do 20 de xullo, de ordenación do sistema universitario de Galicia. O Claustro Constituínte aprobou, o día 4 de febreiro de 1992, os Estatutos da Universidade que foron publicados no DOG do 17 de setembro de 1992. Para proporcionar á Universidade un permanente apoio social creouse a Fundación Universidade da Coruña, fundación privada de carácter benéfico docente.
O actual Servizo de Rexistro, Documentación e Arquivo apareceu no ano 2005.
O Centro de Documentación e Arquivo da Universidade da Coruña (CEDAR) é unha unidade especializada no tratamento e na xestión da documentación da universidade, na súa custodia e na accesibilidade aos membros da comunidade universitaria e á sociedade en xeral. O CEDAR é unha unidade de apoio á docencia, á investigación e á xestión administrativa da universidade.
O CEDAR cubre a xestión dos documentos activos e semiactivos e dos documentos históricos que proveñen do conxunto das unidades administrativas e académicas da Universidade da Coruña. Adquire e xestiona documentos que son considerados necesarios para o ensino, a investigación ou para a mesma historia da institución.
O CEDAR pertence á Conferencia de Archivos de las Universidades españolas (CAU) e mesmo participa activamente no seu Comité Executivo e nos grupos de traballo
3.2. Contexto cultural e xeográfico
É unha institución pública que ten como finalidade esencial a xeración, a xestión e a difusión de cultura e de coñecemento científico, tecnolóxico e profesional a través do desenvolvemento da investigación e da docencia. Así mesmo manifesta o seu compromiso co estudo e desenvolvemento integral de Galicia, singularmente da súa identidade social, cultural e lingüística, e asemade promoverá a súa plena integración no espazo europeo de ensino superior e a súa proxección en América Latina.
Estructúrase territorialmente nos capus da Coruña e de Ferrol.
3.3. Atribucións/fontes legais
Lei 5/2016, do 4 de maio, do patrimonio cultural de Galicia.
Lei 7/2014, do 26 de setembro, de arquivos e documentos de Galicia
Regulamento do Centro de Documentación e Arquivo (CEDAR), aprobado no Consello de Goberno o 19 de decembro de 2005.
Decreto 194/2007, do 11 de outubro, polo que se modifica o decreto 101/2004, do 13 de maio, polo que se aproban os Estatutos da Universidade de A Coruña.
3.4. Estructura administrativa
O Servizo de Rexistro, Documentación e Arquivo depende da Secretaría Xeral da Universidade de A Coruña.
3.5. Xestión de documentos e política de ingresos
Réxese polo Regulamento do Centro de Documentación e Arquivo (Consello de Goberno do 19 de decembro de 2005) e polas Normas básicas de transferencia de documentación. Ambas dispoñibles na web.
3.6. Edificio
O arquivo atópase na zona central do andar baixo do edificio da reitoría.
3.7. Fondos e outras coleccións custodiadas
https://www.udc.es/gl/srda/cedar/fondos_documentais/
3.8. Instrumentos de descrición, guías e publicacións
https://arquivo.galiciana.gal/arpadweb/gl/clasificacionJerarquica/clasificacion.do?idArchivo=22
https://www.udc.es/export/sites/udc/srda/_galeria_down/cedar/guia_del_cedar.pdf_2063069294.pdf
