3.1. Historia da institución que custodia os fondos do arquivo
Constitucionalmente constitúese definitivamente o concello no decreto do luns 26 de decembro de 1836. A partir deste momento e nun proceso natural de funcionamento xorde un conxunto documental, conservado parcialmente, que foi obxecto dos sucesivos tratamentos por parte de persoal do propio concello ata a actual situación.
O primeiro proceso organizativo estable desenvolveuse co cadro de clasificación proposto nas “Primeiras Jornadas de Archivos Municipales” celebradas en Madrid o 15 e 16 de outubro do 1982 que sentaron as bases da organización dos arquivos municipais. A importancia do bo funcionamento dos arquivos para a boa xestión das entes locais como para a recuperación da historia local así como o carácter público dos documentos, foron temas principais das xornadas. Posteriormente levouse a cabo o proceso de adaptación á nova proposta elaborada a nivel nacional para os arquivos municipais, sucedéndose dende entón sucesivas actuacións de reincorporación e a pertinente informatización dos instrumentos de descrición.
Os arquivos municipais teñen que velar para conservar o patrimonio documental dos seus respectivos ámbitos territoriais, así como colaborar co arquivo comarcal na elaboración do Inventario do patrimonio documental.
3.2. Contexto cultural e xeográfico
O concello de Cervo, situado na Mariña Occidental, conta con 4.430 habitantes repartidos en 6 parroquias. No seu patrimonio destaca a fábrica de fundición e cerámica de Sargadelos, o Museo de Arte Sacro de Cervo, así como a riqueza natural da súa costa. Os territorios que actualmente pertencen ao concello de Cervo estaban inscritos no Antigo Réxime na xurisdición de San Cibrao e no couto redondo de Burela, pertencendo ambos á provincia de Mondoñedo. Na primeira división de Galicia en concellos constitucionais, os actuais terreos deste concello aparecían representados polo "concello de Cervo" pertencente ao partido de Viveiro. En 1822 fíxose a división por provincias adscribíndose a de Lugo. Coa reforma de 1835 o concello divídese en dous: San Cibrao e San Xulián de Nois, para finalmente en 1840 constituírse o novo concello de Cervo formado polas parroquias de Castelo, Cervo, Lieiro, Rúa, Sargadelos e San Román. No 1994 a parroquia de Burela iniciou os trámites para segregarse como concello independente, proceso que rematou no 2002.
3.3. Atribucións/fontes legais
Lei 7/1985, do 2 de abril, reguladora das bases do réxime local .
Lei 7/2014, do 26 de setembro, de arquivos e documentos de Galicia.
Lei 5/2016, do 4 de maio, do patrimonio cultural de Galicia.¡
3.4. Estructura administrativa
Concello de Cervo. Secretaría Arquivo Municipal
3.5. Xestión de documentos e política de ingresos
Por transferencia directa ao arquivo no remate da súa tramitación administrativa coincidindo co seu escaso uso administrativo.
3.6. Edificio
Arquivo integrado no edificio do Concello.
3.7. Fondos e outras coleccións custodiadas
1 CONCELLO
2 XULGADO
3 FALANGE ESPAÑOLA Y DE LAS JONS
4 ARQUIVOS NOTARIAIS
5 CÁMARAS AGRARIAS
6 OUTROS FONDOS
7 CONCELLO DE
3.8. Instrumentos de descrición, guías e publicacións
-
