3.1. Historia da institución que custodia os fondos do arquivo
Constitucionalmente constitúese definitivamente o concello no decreto do luns 26 de decembro de 1836. A partir deste momento e nun proceso natural de funcionamento xorde un conxunto documental, conservado parcialmente, que foi obxecto dos sucesivos tratamentos por parte de persoal do propio concello ata a actual situación.
O primeiro proceso organizativo estable desenvolveuse co cadro de clasificación proposto nas “Primeiras Jornadas de Archivos Municipales” celebradas en Madrid o 15 e 16 de outubro do 1982 que sentaron as bases da organización dos arquivos municipais. A importancia do bo funcionamento dos arquivos para a boa xestión das entes locais como para a recuperación da historia local así como o carácter público dos documentos, foron temas principais das xornadas. Posteriormente levouse a cabo o proceso de adaptación á nova proposta elaborada a nivel nacional para os arquivos municipais, sucedéndose dende entón sucesivas actuacións de reincorporación e a pertinente informatización dos instrumentos de descrición.
Os arquivos municipais teñen que velar para conservar o patrimonio documental dos seus respectivos ámbitos territoriais, así como colaborar co arquivo comarcal na elaboración do Inventario do patrimonio documental.
3.2. Contexto cultural e xeográfico
É un concello da Mariña situado entre as rías de Viveiro e O Barqueiro. Ten 1.898 habitantes e a súa principal paraxe natural é a illa Coelleira, que separa as costas lucense e coruñesa. Está na Mancomunidade de Concellos da Mariña Lucense. Coa Constitución de 1812 créanse os primeiros concellos. O territorio que agora ocupa o concello do Vicedo ainda non se corresponde co actual, senon que se dividía en tres: Negradas, Val e Cabanas. Unha nova división municipal establécese no Real Decreto de 1835 e o territorio actual do concello distribúese nos seguintes concellos: Galdo (O Vicedo, Negradas e Vale) e Viveiro (Suegos, Mosende, Río Barba e Cabanas). Esta división durou soamente cinco anos e no 1840 xa aparece o concello de Riobarba coas parroquias actuais do concello de O Vicedo. Durante os anos seguintes mantívose certa estabilidade con Riobarba coa capital do concello do mesmo nome, ata que no ano 1952, mediante circular do gobernador de Lugo, cambiouse a capitalidade e o nome do concello polo do Vicedo, nome dun lugar da parroquia de Santo Estevo de Vale, que posteriormente se utilizou para designar tanto á parroquia como ao concello.
3.3. Atribucións/fontes legais
Lei 7/1985, do 2 de abril, reguladora das bases do réxime local .
Lei 7/2014, do 26 de setembro, de arquivos e documentos de Galicia.
Lei 5/2016, do 4 de maio, do patrimonio cultural de Galicia.
3.4. Estructura administrativa
Concello do Vicedo. Secretaría Arquivo Municipal.
3.5. Xestión de documentos e política de ingresos
Por transferencia directa ao arquivo no remate da súa tramitación administrativa coincidindo co seu escaso uso administrativo.
3.6. Edificio
Arquivo integrado no edificio do Concello.
3.7. Fondos e outras coleccións custodiadas
1 CONCELLO
2 XULGADO
3 FALANGE ESPAÑOLA Y DE LAS JONS
4 ARQUIVOS NOTARIAIS
5 CÁMARAS AGRARIAS
6 OUTROS FONDOS
7 CONCELLO DE
3.8. Instrumentos de descrición, guías e publicacións
http://arquivosdegalicia.xunta.es/portal/arquivos-de-galicia/resources/fondos/O_Vicedo_cadro.pdf
