Orde pola que se establecen as bases reguladoras que rexerán as axudas destinadas á colaboración no financiamento de actuacións en materia de arquivos e se procede á súa convocatoria para o ano 2025 (código do procedemento CT130A)
O obxecto desta orde é, por unha banda, o establecemento das bases reguladoras das axudas destinadas á mellora dos arquivos de Galicia, garantindo unha custodia responsable e o acceso dos cidadáns aos documentos, e por outra, a convocatoria destas axudas para o ano 2025 (código de procedemento CT130A).
Poderán optar a estas axudas os entes locais e as entidades privadas sen fin de lucro galegas que conten cun local estable destinado a arquivo e custodien fondos documentais constitutivos do patrimonio documental de Galicia, entendido como tal o establecido no artigo 109 da Lei 5/2016, do 4 de maio, do patrimonio cultural de Galicia. que cumpran os requisitos establecidos nesta orde.
As axudas convocadas para este ano terán unha contía total de cento oitenta e cinco mil euros (185.000 €) que se imputarán aos orzamentos xerais da Comunidade Autónoma de Galicia para o ano 2025 nas seguintes aplicacións orzamentarias e contías:
13.03.432A.760.0: Entes locais 150.000 €.
13.03.432A.781.0: Entidades sen fin de lucro galegas. 35.000 €.
Prazo de presentación de solicitudes: do 15 de febreiro ao 14 de marzo de 2025.
Máis información aquí: DOG
Estado de tramite: SEDE XUNTA
Novas relacionadas
