Reunións do Consello de Avaliación Documental de Galicia

Reunións do Consello de Avaliación de Galicia

A finalidade do Consello de Avaliación Documental de Galicia é o estudo e ditame das cuestión relativas á cualificación e utilización dos documentos producidos, recibidos ou acumulados no exercicio das súas función polas institucións, administración e organismos públicos e empresas e entidades deles dependentes, así como a súa integración nos arquivos e ao réxime de acceso e inutilidade administrativa de tales documentos no ámbito do Sistema de Arquivos de Galicia, tal como establece o artigo 34 da Lei 7/2014, do 26 de setembro de arquivos e documentos de Galicia.

O Consello funciona en Pleno ou mediante grupos de traballo.

O pleno reúnese en sesión ordinaria polo menos tres veces ao ano e en sesión extraordinaria sempre que sexa convocado pola persoa titular da Presidencia, ou quen a substitúa, por iniciativa propia ou por solicitude dun terzo dos membros do Consello.

Os acordos adóptanse pola mayoría simple dos votos. A Persoa titular da Presidencia conta con voto de calidade en caso de empate.